Sos Poetas
di Franco Maccioni

Dae sos cantos chi toccant su coro
e sos ammentos de sa pizzinnia,
cheria intender poetas de oro
de s'Elicona tanta melodia.

Cheria iscultare da insoro,
bonas rimas, chi faghent s'allegria,
po ammentare a nois su decoro,
sas isperas, bramas e armonia.

E semper, cun d'una oghe prus bella,
dant puru in prosa sas poesias
a medas coros tristos tant'amore,

cun grande veridade e onore,
dande a sas peraulas fantasias
e un'eterna lughe a dogni istella.

Per questa poesia nel 2002 riceve una segnalazione di merito alla 2^ Edizione del Premio di Poesia Mons. Raffaele Piras in Quartucciu.