Sos sindigos
di Larentu Ilieschi

Fagher su sindigu oe, cun perizia,
no est ingarrigu 'e leare a giogu,
ca l'abbaidan totu che piogu,
e sempre in su mirimi 'e sa giustizia.

Rispondet de s'abusu 'e s'edilizia,
de sas alluviones, de su fogu.
Chircat e no agatat mancu logu
inue isgarrigare s’immondizia.

B'hat sindigos chi faghen su dovere,
pensan a totu e sun sempr'in guai,
ismemtighende fizos e muzere.

E b'est chie s'impipat de sa zente,
lassat cantare e no isbagliat mai,
promittit solu e non faghet niente.