Sos Tres Res
di Giuseppe Concas

Cumpresu han de s’istedda su messaggiu
de su Gesu’ Bambinu ‘ennidu a nou,
cun amore affrontan su viaggiu,

faghed s’istedda su dovere sou
a sa giuda ca fin risolutos
sanos e salvos arrivan a prou,

a sa grutta Santa los han giuttos
e de fronte agatan su Bambinu,
fmi ansiosos in cussos minutos,

ca fit su fizzu de su Re Divinu,
l’hana adoradu cun amore immensu
e rispettosos l’ban fattu s’inchinu,

sos tres Re ca tenian bonu sensu
pro sinnale a su fizu ‘e Maria
l’han regaladu oro, mirra e incensu,

ma pro recumpensa su messia
hada a issos sa festa dedicadu,
ses de zennazu ch’est s’epifania,

nò hat mai su crero trascuradu,
est sa segunda pasca pius sentida
chi hat s’umanidade rispettadu,

tradizione de totta sa vida
pro la festizare in logu insoro
da-e tottue faghen sa partida,

e pro sos pizzinnos est tesoro
festizana e riposana abbastanza
intenden s’allegria intro-e su coro,

cuntentos aspettan sa vacanza
sa gioia si bied in su visu
est tottu pro sas festas s’importanza

e cun nd’unu simpaticu sorrisu
rezini carezzas e carrinnos
paren angelo de su paradisu,

giovanos anzianos e pizzinnos
amorosu unu ‘asu si dana
cun mulli augurios benninnos

eventu de s’intera razza umana
pregande e adorande su Signore
fortes e sanos a d’onzi Befana.