Pitzinnu a sa corte so annadu
Pro cumprire unu bisonzu generale
Chimbe minutos b’appo postu in totale
Cando d’improvvisu n’est intradu.

Chin s’anca arzada mi fissabat
Pro cumprennere s’idea chi tenia
De ughire derettu jeo cheria
Ma su puddu immobile istabat.

Timenne aco finta ‘e mi c’annnare
Canno a bolu parthit a s’attaccu
A brinchitteddos currenne che maccu
Indovinade ube cheriat puddare.

Pro sarvare custu bene preziosu
In intro de sa vasca de lavare
Chirco riparu e comintzo a bocchiare
Pro mi difenner dae s’animale impetuosu.

Custu puddeddu it propriu un isplendore
E superbu ziraiat in sa corte
No it zertu pessanne a sa sorte
De no issire semper vinchidore.

Currenne arribat babbu ispreadu
C’aiat cumpresu su ch’it sutzedenne
Sa conca chin sa manu mantenenne
A in tunnu su thruccu l ’at secadu.

Tanno a brincos artos pogherittu
Sa corte de sambene n’at prenadu
Ziranne che caddu bribilladu
Su ballerinu ch’est inidu vrintu.