Su ballu antigu de su Mudore
incuminzat cun d’una buffada de ‘entu
cun passos lebios de amore
in s’ispantu fioridu de su momentu.

Leados umpare dae s’amistade
iscurtende sa móvida de su corpus
ligados dae disizu de libertade
e sos respiros chi chircan s’accordu.

Ateros passos serentan sa terra
faghen unu saltiu galanu in s’áera
una pasada in mesu a una gherra
una imbenujadura in s’andera.

Devota e cara a su Divinu presente
una ‘Oghe cumandat su ballu
corte a cumone su cantigu
in sa piata indorada de sa mente.

Sas domos nidos e giógulu de isperas
omines e feminas in camineras.
Testimonzos de sa Mama e de su Babbu
in su piúere sas rastas de su passazzu.

Un’istrampada frimmat su sacru de s’ora
ammentos ritos nuragicos de bellesas
unu ringraziamentu mudu a disora
a sa Luna a su Sole a sas Istellas:

Su ballu est náschidu dae su Mudore
dae su ritmu musicale de sas dies
in mesu a baddes montes de pastores
antes pensamentos totus sas fides.

In accordu cun sa frequentzia de s’Harmonía
subra sos binujos ballan sa cuntentesa
su pasu e sa fadiga cada bellesa
semenes de lughe fiores caros de vida!

__________________

IL BALLO DEL SILENZIO

Il ballo antico del Silenzio
inizia con un soffio di vento
con passi leggeri d’amore
nello stupore fiorito del momento.

Presi insieme dall’amicizia
ascoltando il movimento del corpo
legati da desiderio di libertà
e i respiri che cercano l’accordo.

Altri passi sfiorano la terra
fanno un salto leggiadro nell’aria
una pausa in mezzo a una guerra
una genuflessione nel cammino.

Devota e cara al Divino presente
una Voce comanda la danza
cortile in comune il cantico
nella piazza indorata della mente.

Le case nidi e culle di speranza
uomini e donne in sentieri.
Testimoni della Madre e del Padre
nella polvere le tracce del passaggio.

L’ultimo passo ferma il sacro dell’ora
ricordi riti nuragici di bellezza
un muto ringraziamento ad ora insolita
alla Luna al Sole alle Stelle:

La danza è nata dal Silenzio
dal ritmo musicale dei giorni
in mezzo a valli monti di pastori
prima di pensieri tutte le fedi.

In sintonia con la frequenza dell’Harmonía
sulle ginocchia ballano la gioia
la pausa e la fatica ogni bellezza
semi di luce cari fiori di vita!

PREMIO FIDAPA R. Bertolotti 2022 Sassari: 3° premio poesia sarda