| Su caminu
‘e sa vida
Cun antigos ammentos
sa mente mi consolo,
ca su tempus prus nudda oe m’offerit.
Trazadu da sos bentos,
cun alas betzas bolo
in chirca ‘e ponner pe’ ube s’abberit
sa gianna chi serradu
m’at da ora su fadu,
lassandemiche fora, ube mi ferit
s’ànimu una tempesta,
cuàndemi su sonu ‘e donzi festa.
Ma su chelu annuadu
nudda mi lassat bìere,
como ch’in altu logos so chircande,
inube ismentigadu
m’apo sa gana ‘e rìere,
cando mi fit su tempus ingabbande,
pantàsimas mustràndemi
e sas folas contàndemi,
mudàndemi sas oras, chi colande
lestras si ch’andaian
in eras ch’issas solu connoschian.
Ma sa gana s’ischidat,
intr’ ‘e su coro istraccu,
de che catzare attesu donzi anneu;
e s’ànimu s’acchidat,
ca su fadu a teraccu
l’at impreadu, in custu tempus feu,
po peleare affannos,
in mesu ‘e sos ingannos
bordidos da su mundu tott’intreu.
E si pesat in bolu,
chircande in chimas altas su consolu.
Su ch’ancora apo in sinu
ch’at a bessire, si su coro abberzo.
Àteru tempus cherzo,
po sighir’ ‘e sa vida su caminu.
|
Il sentiero
della vita
Con antichi ricordi
consolo la mente,
perchè più nulla oggi il tempo mi offre.
Trascinato dai venti,
con vecchie ali volo
cercando di arrivare dove si apre
la porta che chiuso
mi ha da tempo il destino,
lasciandomi fuori, dove mi ferisce
l’animo una tempesta,
nascondendomi il suono di ogni festa.
Questo cielo nuvoloso
nulla mi lascia vedere,
ora che in alto cerco luoghi
dove dimenticato
ho la voglia di ridere,
quando il tempo mi stava allora ingannando,
mostrandomi fantasmi
e raccontandomi fiabe,
abbellendomi le ore, che trascorrendo
veloci se ne andavano
in tempi che esse soltanto conoscevano.
Ma si sveglia la voglia,
dentro il cuore stanco,
di mandar via lontano ogni tormento;
e l’animo si riposa,
perchè il destino come servo
l’ha usato, in questo tempo ostile,
per sopportare affanni,
in mezzo agli inganni
che gli ha ordito il mondo intero.
E si alza in volo,
cercando in alte cime il conforto.
Quel che ancora ho dentro il petto
verrà fuori, se aprirò il cuore.
Voglio altro tempo,
per seguire il sentiero della vita. |
