Dae cantas istajones bolo
subra campos e puntanas de recreu!
De ratu in ratu, de foza in foza,
animadu dae unu disizu
cuadu intro ‘e su coro meu.
De amore in amore,
fraighende in sa coa de sa memoria
nidos de ammentos, de cuntentesa,
de bellesa e dolore.
Alas de vida m’ighen in su ‘Entu:
Amigu de sonnios e de pensamentos,
de ogni pelea e anneu,
fadre chi non resesso a lu mantennere,
custoidore de versos e sonos d’ogni tempus.
Bolo subra s’ispantu de sos fiores
chi riene abertos a su Sole,
subra coros signados e proados,
caras innotzentes e lagrimas de oro
de pitzinnos abbandonados.
Bolo disterradu
subra su paradisu de sos esiliados:
Omines sempere in briga e in gherra!
Abbaidende cust’iscena dilgrasciada
mi ‘enit boza de no falare pius a terra,
ma restare, pro sempere, in s’aera materna:
Nidu tundu de poesia incantadu
chi biazat affacca a ateros mundos,
bucos nieddos de misteriu,
intro a s’ou de su Silentziu fecundadu
dae su semene de Deus.

________________

IL CANTO DI UN PASSERO

Da quante stagioni volo
sopra campi e fonti di ristoro!
Di ramo in ramo, di foglia in foglia,
animato da un desiderio
nascosto dentro il mio cuore.
Di amore in amore,
costruendo nel grembo della memoria
nidi di ricordi, di gioia,
di bellezza e dolore.
Ali di vita mi portano nel Vento:
Amico di sogni e di pensieri,
di ogni pena e affanno,
fratello che non riesco a trattenere,
custode di versi e suoni d’ogni tempo.
Volo sopra lo stupore dei fiori
che ridono dischiusi al Sole,
su cuori segnati e provati,
volti innocenti e lacrime d’oro
di bambini abbandonati.
Volo migrante
sul paradiso degli esiliati:
Uomini sempre in lotta e in guerra!
Guardando questo teatro disgraziato
mi viene voglia di non toccare più terra,
ma rimanere, per sempre, nell’aria materna:
Nido rotondo stupito di poesia
che viaggia vicino ad altri mondi,
a buchi neri di mistero,
dentro l’uovo del Silenzio fecondato
dal seme di Dio.

XXIX CONCORSO CREI-ACLI 2017: 1° premio poesia sarda inedita