Su Chivarzu
di Maria Luisa Pisanu

(a Luiginu Istara)

Su ruzu ch'eo zutto intro 'e su coro
no es su ‘e Ferrari o Valentinu,*
es ruzu de bandela senza s'oro,
ch'ad'aganzadu a monte Luiginu.

Pro sas terras, chi fini sas issoro,
in medas si sun postos in caminu,
cumbattinde che sardu contr'a moro,
creian de cambiare su destinu:

de su pastore chena sa cussorza,
de su teraccu chi no at dirittos,
de su ch'appeddat, ma tenet resone.

Bettados che los an tott'in presone
che bandidos armados, maleittos,
in manu non zughian mancu resorza.

(*) - Valentino noto stilista.

2011