Settidu a craru chirco s’orizzonte
Miro su mare lontanu e distante
De sos rios su falare costante
Sicco chin s’oju dae vadde a monte
Su sole illuminnemi sa fronte
mi caentat su coro tremulante
Pare nennemi oje puru so naschidu
ismentiga su ch’eris as suffridu

Ismentiga sa sufferenzia e su coro
Chi tantos dolos sa vida t’at dadu
Ismentiga de su riccu su doradu
Apposentu e sa suas vestes d’oro
A tie t’appo dadu e minn’onoro
Su bonucoro e s’animu incantadu
Ascurta a isse e chin sa poesia
Cumpone rimas pro s’anima ebbia

Cumpone versos dae coro veros
Ascurta a isse lassulu rimare
Su chi in sa vida si podet lassare
Son de isse sos donos prus sinceros
Sicchi sa poesia a cultivare
Chi t’accumpanzat in su tou annare

aprile 2014