SU DROMICIONE

Amigu tenes una maladai
pagu dannosa, ma pensa; e curare,
ca si la dassas'a cronica andare
ti truncat de vivere ogni via.

Mezus iscrie calchi poesia
gai faghe sos coros dilliriare
sa mezus arte pro ti divagare
ca no si vivet no, de sonnu ebbia.

E cando sese in triste circostanza,
impugna pinna,pabilu,e iscrie,
in sarda rima unu cumponimentu.

De sa misteriosa sonnolanza
saziadi su notte, ma su die,
pensa istare ischidu ogni momentu.

Cherzo no t'abbandones de asie
ca tantu s'ora 'e su sonnu profundu
benit, e no si torrat dae inie.

Godidi sas ricchesas de su mundu
ca sos annos chi sunu istabilidos
passan veloces che unu segundu.

No dassese segrettos remunidos
cusso riccos donos chi has rezidu
pro essere in sa terra consumidos.

Manera faghe, pima esser partidu
a s'eternu riposu e santa gloria
dassare cuddu fruttu chi s'istoria
had'in liberos d'oro sempre 'estidu.

Mimmia Soro (Olanda)