SU INU BELLU

De inu bellu sa menzus carrada
Mianu nanca m’ias riservadu
S’aniga totu iscelta e seberada
Dogni urdone pulidu e indoradu.

Cun sa inaza bene fermentada
L’as degheotto dies iscupadu
Prima ’e bufare ca l’as misuradu
Doighi grados d’alculu ti dada.

Però sos contos fatos in totue
No arresurtant che pezza cun brou
Ca sa vida cumandat su destinu.

Mianu nde so tristu pro su inu
Ma si coment’est su tribagliu tou
A bellu a bellu ti lu bufas Tue.

Parigi, 17.07.1998

Serafino Putzolu