Su Pedidore
di Salvatore Marceddu

Lassademi pedire,
ca poberu mi sento
e caridade hapedas
pro chi torret sa lughe
a custos ojos zegos,
pro consolare un'anim'aumbrada,
unu feridu coro.
Un'azudu domando,
unu ebbia:
pro poder da-e nou
basare biculos de sole
e iscaldire ancora
s'ispera in sa bontade
in sa fecunda fine,
e degai resessa a semenare
palangas de recreu,
in zassos olvidados
ue tuppas de ruvu velenosu
sun infustas cun samben innozente.
Lassademi pedire
farfaruzas d'amore,
ca nede cheria dare
a chie che a mie est pedidore!

(Oniferi)