SU PONTE DE CAREDDA
(In Ghilarza)

Como ana postu su guardarrai
Est ladinu, ischire su comente
Zertu non d'aiana postu mai
Si non fidi suzzessu s'incidente

Fid'istadu pius seriu guai
Si passadu non b'aiat zente
De morrere annegadu agiumai
In mesu a cussa fogna puzzolente

L'appo postu “Su ponte e sos affannos”
Ue passat su luridu trainu
Vivinde sa mia malasorte

Auguro a poi e trint'annos
Che ruada su “Primu cittadinu”
Lu salvene che amie dae sa morte.

Nino Deligia - Ghilarza 25/09/2002