Mama tua sa camisa t’at prantzadu
Pro nanchi acher una bella figura
Ma tenes su coro in tristura
Ca como s’ammorada t’at lassadu.

E tue che ses ruttu in s’iscunfortu
E non b’at modu de t’ alligrare
A attera cosa no ischis pessare
Settidu a un’ala pares mortu.

Mira chi ses zovanu e galanu
E non tenes meda grillos in sa conca
In su gìardinu ube istat cussa thronca
B’at frores prus bellos in beranu.

Canno torran sas cuginas dae Toscana
E ne ghiran po si cojubare
Tranquillu, chirca ‘e passentziare
E si la cheres una ti la dana.