Su primu annu de iscola
de Pietro Cui

Su millenoeghentos barantanoe
Custa data ancora appo in mente
Ca tando fia iscolaru innotzente
Cumintzende a fagher s’eroe.

E su Signore m’at dadu bonu proe
In s’istudiu che bonu credente
In sa matessi iscola so presente
A sessantun’annu de nou innoe.

D’esser de fronte a bois mi nde onoro
A esprimer sa sarda poesia
Cudda chi dae minore appo in su coro.

E oe veramente non creia
Faghide ’e sa poesia tesoro
Cun-d-unu saludu caru ’e parte mia.

Iglesias, 05.07.2011