| Su
segretu de Sebastiano Mario Fiori |
 |
| Narami, o terra antiga de incantos, it’es chi mi ligad’a tie goi meda ? Sos colores dilicados de sas codulas, cand’intra’beranu ? Su nuscu d’ervas e frores de monte, creschidos in mes’e roccas punzudas ? Sas abbas friscas de rios e fontanas, chi chirco che meighina donz’istiu ? O, forzis, sa zente tua, semper’ospitale e riservada ? Narami, o terra de bellesa rara, comente faghes a caentare gai su coro in cussas dies de frittu ? A mi ponner’de bonumore cando so de mal’ispezia ? Iscurta, si ieo oie ti cunfido chi m’intendo fizzu tou e t’appo semper’in coro finzas cando m’agatto in log’anzenu, tue, Ozzastra, mantenes galu su segretu ? |
|
