Salmo 22

Su Deus Soberanu
est su pastore meu
e non mi mancat nisciuna pastura.
Mi jughet a sa manu
mi che franghet s’anneu
bundante est s’abba e-i sa friscura.
E deo miserinu
camino seguru in su caminu.

Si caminare dia
In-d-una badde iscura
non dia timere ca bi ses Tue.
Chin su fuste de ghia
camino a sa segura
tranquillu ca non ando a pesa-rue.
E m’aprontas sa mesa
de ’onzi dilicada prelibadesa.

Tue m’unghes de ozu,
sa tassa mea est piena,
felicidade e gratzia po cumpanzas.
In Te tenzo s’apozu
Po una vida serena
E non de connosco de dies lanzas.
E ca Isse m’azuat
app’a viver a longu in domo Sua.

Isili, 2011