Su spaghitu
di Salvatore Usai

A s’ora sua, candu s’àcua bùddit allirga,
su spaghitu, de sa scàtula si nc’ acabussat
aintr’e sa pingiada. Prima cìrdinu e incolunnau
a pustis, a pagu a pagu, cun gràtzia s’amasedat
e artzièndi e calendi a ritmu ‘e buddimentu
sciorat una passionera dantza orientali.
Candu arribat a sa cotura giusta
aintr’e is pratus incumentzat sa sfilada.
Cument’e una modella sbeliadora
incìngiat sempri su bistiri prus assetiau.
Arrùbiu tomatinu cun arramadura ‘e afabica
e prellas ‘e casu tratau a proidura
est sa bisura chi prus di dexit.
No perdit mai de gustu cun calisisiat cundimentu.
Candu si trotoxat prexau
in is dentis luxentis de sa fruchita,
chi siat assotziau in manera simpli
cun ollu, allu, pibireddu
e perdusemini afitau a fini a fini
o in manera prus nòbili alleputziu,
cun cociula, butariga o aligusta,
su spaghitu no donat a su palau
mai unu disprexeri, mai una delusioni.
Su spaghitu no est unu prostu: est un’emotzioni.

^^^^^^^^^^^^

Lo spaghetto

Al momento giusto, quando l'acqua va allegra in bollore,
lo spaghetto, dalla scatola si tuffa
nella pentola. Prima rigido e incolonnato
poi, pian piano, con grazia s’ammansisce
e salendo e scendendo al ritmo del bollore
si esibisce in una passionale danza orientale.
Quando arriva alla giusta cottura
dentro i piatti inizia la sfilata.
Come una modella seducente
indossa sempre il vestito più appropriato.
Rosso pomodorino con infiorescenze di basilico
e perle di formaggio grattato a pioggia
è l’aspetto che più gli si addice.
Non perde mai di gusto con qualunque condimento.
Quando si attorciglia contento
tra i denti lucenti della forchetta,
che sia associato in modo semplice
con olio, aglio, peperoncino
e prezzemolo affettato fino fino
o in maniera più nobile agghindato:
con arselle, bottarga o aragosta,
lo spaghetto non dà al palato
mai un dispiacere, mai una delusione.
Lo spaghetto non è una pietanza, è un’emozione.