Unu saludu, un’ istrinta 'e manu
t'abberzo sa gianna 'e domo mia
frade caru chi 'enis dae lontanu
ca forsis dae semper t’isettaia.

Benennidu sias e soberanu,
càntannos como sa tua melodia
pro chi cominzede cras-a manzanu
unu mundu piènu ‘e allegria.

Abbratzemus in paghe su diversu
grogu o biancu, ruju o nieddu
donzunu fizu 'e s'umana zenia.

Unu fiore in laras, unu versu
e si puru est istranzu su faeddu
amigos semus tott’in armonia.

Ti aspettavo - Un saluto una stretta di mano/ti apro la porta della mia casa/ fratello caro che vieni da lontano/perchè, forse, da sempre ti aspettavo/ Benvenuto tu sia e sovrano/ cantaci ora la tua musica/ così domattina comincerà/ un mondo pieno di allegria/ Abbracciamo in pace il diverso/giallo o bianco, rosso o nero/ognuno figlio della specie umana./Un fiore fra le labbra, un verso/ed anche se strano il parlare/ siamo tutti amici, in armonia