Tòrra in amori
di Gigi Noce

Tòrru a ridì
passàddi zi so l’anni
di lu duròri
lu córi meu cagliàddu s’è arriggìddu
tòrra
addanànzi a un fiòri

Più no s’ammènta l’isthrampàdda màra
e lu tantu duròri cazziggàddu
no ammènta più li làgrimi lampàddi
...a càntari.

Tòrra... lu zéru mi fàzi la risa
e un vent’amìggu zi mònda li nùi
e tòrra véggu in curòri di rosa
...tòrr’a vibì.

Tòrr’a ridì a una vìdda chen’ipina
a branu chi parìa dimintiggàddu
a li pizòni in zéru...
a un’althr’amòri...

...lu còri s’è arriggìddu un’althra vòltha
tòrra
e n’ha accólthu un fiòri.

4° premio al Premio Ozieri di Letteratura Sarda 2006

Gigi Noce nato a Sassari il 27.06.1940
residente in via Ginevra Zanetti, 29 Sassari
tel. 079290921 cell. 3282088220