Telezornales
(su 20 'e martu 2003) (*)

di Benito Saba (2006)

Sa mesa apparitzende a malagana,
cummerende che áinu isancadu,
telezornales meda as sebestadu
che lépere orettende da' sa tana

e dudende chi fortzis non fit sana
sa conca 'e fizu tou, appentadu
cun su telecumandu disdicciadu
a giambare canale, ite mattana!

... Fàula bella, semper sun in vena,
de custa gherra fatta pro... sa paghe,
ello, e chi miminadas sun sas tassas!...

Pretzisu paret chi sas novas frassas
las porretten cando, a su faghe-faghe,
sa zente ammanïende s'est sa chena!

('Puru si comit crastos de nuraghe
est chïeta e diciosa a matta piena!'
Gai meledan issos, iscarados,
ma sos sardos non sun abbauccados!)

Benito Saba

(*) E' il primo giorno dell'ultima guerra degli U.S.A. all'Iraq di Saddam Hussein.
Questa poesia ha conseguito la Menzione d'onore alla IV Ediz. del "PREMIU 'E POESIA SARDA DURGALI" - Setzione Poesias in rima - DORGALI - 2006