Sas laras de su Tempus
no ischin comente ti giamare
o mama pro sos annos sutzados
a su sinu de s’ispantu
o sorre pro ‘onzi die de sole.

Ancora dae una femina naschet sa ‘oghe
e sua est sa manu chi carignat su primu piantu
sos sonnios in cara a sa luna
su primu latte de sa vida noa.

Malciu est su semene chi t’ingraidat sos fiores
s’aradu amorosu chi ti surcat sa carena
preparat ‘onz’ istajone su laòre
e in sas làcanas de s’anima
su punzu sou murghet sos pensamentos
pro giagare su chejveddu de sa zenia umana.

Una ojada de cumpassione
nos mantenet àrbitros e liberos
ispraminados in s’arzola tua de isula antiga
comente semenes de lughe
biandantes in biddas de amarguras
chi tottu an de veru e de nou
sonos e cantos artes e sabores…

Medas ti lassan sola
in mesu a su mare de sa modernidade
e cun su piantu frimmu in bula
si ch’andan aterue a t’irmentigare...
Disterrados
paren fizos de Niunu
dae unu portu a s’ateru veli-veli
gherrende cun issoro matessi
o cun su presente malefadadu.

Dae mare a mare
acciappan ispundas
ch’in rios de sambene faghen rodulare
ammentos de ‘onzi faina e poesias
de die in die
pedende ‘asos e ojadas
finas a s’ultima isterrida de limba tua
semenada de peraulas d’oro e ‘oghes bias
un’odissea de rimas noas...

_____________________

TERRA MIA

Le labbra del Tempo
non sanno come chiamarti
o madre per gli anni succhiati
al seno dello stupore
o sorella per ogni giorno di sole.

Ancora da una donna nasce la voce
e sua è la mano che accarezza il primo pianto
i sogni in faccia alla luna
il primo latte della vita nuova.

Maschio è il seme che ti feconda i fiori
l’aratro amoroso che ti solca il corpo
prepara ogni stagione il raccolto
e nei confini dell’anima
il suo pugno munge i pensieri
per assennare il cervello della specie umana.

Uno sguardo di compassione
ci mantiene arbitri e liberi
dispersi nel tuo cortile d’isola antica
come semi di luce
viandanti in città di amarezze
che tutto hanno di vero e di nuovo
suoni e canti arti e sapori…

Molti ti lasciano sola
in mezzo al mare della modernità
e con il pianto fermo in gola
se ne vanno altrove a dimenticarti...
Esiliati
sembrano figli di Nessuno
da un porto all’altro senza meta
combattendo con loro stessi
o con il presente sfortunato.

Da mare a mare
trovano sponde
che in fiumi di sangue fanno rotolare
ricordi di ogni tipo e poesie
di giorno in giorno
mendicando baci e sguardi
fino all’ultima distesa della tua lingua
seminata di parole d’oro e di voci vive
un’odissea di versi nuovi…

50° PREMIO OZIERI 2008 - 4° Premio poesia sarda inedita