Terra mia
de Vincenzo Pira

Domos a orulu
de andalas mai protzetàs
arrastos de predas ispittias
de unu tempus irmenticau.
Imbrollos chi s’istoria ripetet
chin sinnos de inchidas faziles.
Làbaros divinos
ruches e mesu lunas
atùas dae meres novos.
Dan’ elemusinas
ma no assicuran dirittos.
In medas, disamparaos
son’ arribaos
dae appresu e dae innedda
pedinde accorru.
Eris comente oje
disterraos novatos
chircan isperantzias
ma acatan solu ispantu.
Dae cussorza aperta
a bidda fraicà
e cras
terra comune.

_________________________________
Terra mia
Case a contorno / di vicoli mai disegnati /tracce di consumate pietre /di un tempo scordato. / inganni che la storia ripete/
con segni di facili vittorie. / Vessilli divini / croci e mezze lune/portati da nuovi poteri / elargiscono elemosine /ma non garantiscono diritti. /
In tanti, disperati /sono arrivati /da vicine e lontane sponde/clamando rifugio. Ieri come oggi /nuovi esiliati/cercano speranze/trovano paure. /
Da campagna amica / a paese costruito/ e in futuro / terra comune.