Terra mia, lamentos afligidos,
cuzolos de chel'in disamistade,
istrintos tirighinos, galu bìnchidos
dae incunzas de illusiones
e préigas de mastros faulalzos,
mortos nudos che in pedde 'e mama.

Terra de mudìmine e chighìglios,
m'atraessant su coro che resolza
antigas fritzas de malingannias,
m'istratzant pedde 'utios de ruinzu.
Cun s'alenu de s'ultima ispera
t'istimo e abbratzo sa chimera.

Terra pintada in limba 'e oro
in caentu de foghile padronu,
como mi furant su late 'e mama,
tempus benidore in dom'ispoza.
Làgrimas de 'irgonza e velenu
ifundent sa 'inza de sa sicagna.

Terra mia, cun bentos de amore
bàntziga sas undas de su connotu,
mustra orizontes de lughe noa
dae isteddas de abbistesa.
Cun sa fortza de òmine balente
chelz'acatare sas craes de domo.

Terra mia prediletta

Terra mia, lamenti accorati,
angoli di cielo in conflitto,
viottoli stretti, tuttora sconfitti
dalla raccolta di illusioni
e dalla propaganda di maestri bugiardi,
smascherati e nudi come alla nascita.

Terra di silenzi e di schiamazzi,
mi trapassano il cuore come un coltello
antiche saette d'inganni,
mi lacerano la pelle gocce di ruggine.
Con il respiro dell'ultima speranza
ti amo e abbraccio il mio sogno.

Terra dipinta con una lingua preziosa,
nel tepore del focolare di cui eravamo padroni,
ora mi rubano il latte materno,
il futuro troverà la mia casa spoglia.
Lacrime di vergogna e di rabbia
bagnano la vigna dell'aridità.

Terra mia, con i venti dell'amore
culla le onde dei beni ereditati,
mostra orizzonti di nuova luce
dalle stelle dell' intelligenza.
Audace come un uomo impavido
voglio ritrovare le chiavi di casa.

Terranoa, su deghe de Abrile de su duamiza e sèighi