Sos passos mios...
istracos...
a ispassu chin su tempus
b’ido unu sole nou
ispuntat dae su monte
chircat sas isperas die po die
in oricas s’orulu‘e su entu
sos ojos ischintiddana
sa luche
de sa codula areste
‘e custa terra.

Cammino solu solu...
in camineras perdias isconnottas
b’ido lacanas perdias
in s’arriolu‘e sa zoventude
“ue sos rajos de su sole
han cottu sos pessos d’un’iscutta
e irfoettan galu su rujore
in sas siendas luchentes de su mundu
sa luna mi ridet chi sos rajos d’oro
mandande vampadas de selenu

Cammino...
che banduleri
tuinde sas giannas
ispittias de sos nuraghes
chirco chelos de luche in d’una terra
pruminta dae meda
chirco sonniu diversu in sa terra
antiga‘e babbai
“ue mi riconnosco solu po un’iscutta
massaju e s’anima mia dilliriante
“ue mi recreo chin su pesu’e custos annos
bardaneri‘e sementos de lucore inter s’iscuriore
‘e sa Sardigna.

Primo classificato Premio de Campidanu anno 1997