Ti arringràtziu
di Mario Puddu

Ti arringràtziu, Segnori e Deus miu,
Po is cosas chi as fatu in su Mundu,
Po sa vida chi Tui s’as donau
Ca po nosu s’Amori ses Tui!
---------Alleluja, Segnori e Deus miu!
---------Alleluja, Segnori ’e su Celu! (2 bortas)

Candu asula si fait s’aera
Dèu Ti pentzu e cun mimi ses Tui!
Non si lessis andai a iscuriu:
Ses su Soli, sa Luxi ’e sa vida!
---------Alleluja, Segnori e Deus miu!
---------Alleluja, Segnori ’e su Celu!

Che a su pani chi eus ispratziu,
Prima a granus ispartus in terra,
Faisí Tui aici in su Mundu
Po Tui Corpus e un’ànima una!
---------Alleluja, Segnori e Deus miu!
---------Alleluja, Segnori ’e su Celu!

Cudhu Amori chi seis Totunu
Cun Su Babbu s’aunat che fradis
E connòsciat su Mundu sa paxi,
S’allegria chi regnit totui!
---------Alleluja, Segnori e Deus miu!
---------Alleluja, Segnori ’e su Celu!

Babbu nostu chi ses in is Chelos, siat santificau su númene tuo, bèngiat su regnu tuo, siat fata sa volontade tua in Terra comente in su Chelu, donannosi su pane de oe, perdonannosi is pecaos nostos comente noso perdonaus a chie nosi at oféndhiu e no nosi lesses orrúere in tentatzione, ma libberannosi de su male. (candho Ti arringràtziu si cantat in sa Missa a s’ora de su Pater)