Timidas oras
di Giovanni Soro

(A Pedru Tedde)

Pedru, ch'in su lontanu logu ch'istas,
narami cantas bias has pensadu
a sa 'idda tua? Has arrejonadu
tando de mannas e notorias conchistas?

Ahi! Timidas oras, prite tristas
pianghides ancora su passadu?
Tue ses inoghe, Pedru istimadu,
a m'allegrare coro e pibiristas:

ses amigu sinzeru e pius de santu
mandas regalos mannos che tesoro
chi intregadu mi tenzo e fittianu...

Rezzi cuntentu un'istrinta de manu
E un'abbrazzu forte de su coro...
Salude epas cantu ti pregas... cantu...

Tzaramonte su 26 de santuaine de su 1998