Tirriat s'Istria
di Larentu Pusceddu

Tirriat s'Istria
contra a su chelu mudu,
su ch'in passadu
at intesu sos canticos
e at bidu sa terra
cambiare colore
a cada istajone,
terra niedda,
birde farraina,
ispicas doradas.

Tirriat s'Istria
contra a su sole tzecu
chi caentat isbeliadu
sos sartos in chisina
e intostat su gardu ispinosu.

Tirriat s'Istria
contra a su bentu surdu
chi non donat prus undas
a su mare de laores.

(Inedita)