Torpè
di Pepinu Coronas

Fizos de Roma faghen ausentu
a pes de monte Nurres in antigu,
piantan binzas e laoran trigu,
forman jardinos chin raru talentu.

Allevan s'abe e dae cada armentu
traen, industriosos, ricu abbigu,
bestin de ulia e laru 'ogni montrigu,
fraigan e Torpè at fundamentu.

Mesu illustre e celebrada zona
chin ondra 'e vagos pitorescos litos,
in costa d'Ichnusa a su levante,

fra casteddos e turres chi corona
faghian tando subra de almos sitos
a Feronia antiga non distante.