In sos ojos miro unu piseddu
lughentes che isteddos de su chelu.
Su risu in laras chena faeddu
Mustraiat bellesas chena velu

Joghende cun sa ren’ in s’or ‘e su mare
Fraighende unu castedd’ ‘e fantasia
Porridu m’hat sa manu pro mi nde pesare
Pienendem’in cor’ ‘e allegria

Bae pitzinnu, bae a jogare
Gos’a pienu custos bellos annos
custu tempus mai pius at a torrare
lu id’andar’etorran sos affannos

dae chizzos una lagrim’est falada
a sa pitzinnia che so torrada
ninnende ’una pupia ‘e petza,
e bi jogo finas como chi si so etza,

ma como su mundu totu est mudadu
non pius pitzinnos in carrelas joghende
bramas et isperas ammadurende.
non conoschen mundu incuinadu

de bruttura chi luan finas s’abba
non ti fidas si ti jaman amigu,
ca meda si caratzan de nemigu
si li pedis aggiudu, ti ch’agabba.(n)

Non ischis piseddu de terroristas
Chi isparghen sambene innocente
Ne de KAMIKAZEN et CAMORRISTAS
Chi noghen a poveros e potentes

oe manca calore de foghile
logu de animadas chistione(s)
s’scultat solu sa televisione
ch’at vileras e furas e rapina cun fusile

Torradu est su pitzinn’e cumpagneddos.
E olvidare m’han fattu sos ammentos
faghe Deus chi non idan turmentos
in coro tota vida sian piseddos.