Totu est a sa muda
di Franco Maccioni

Totu est a sa muda
istanotte...
sas lughes de su sero fuint
in ateros mundos.

Intendo...
una druche malinconia
forsis, attesu, ammentos
de un amore 'e mama...
istrintos abbratzos
chi non bi sunt pius!

Tristura e pràntu...
nuscos de gelsominos
accumpanzana semper
su caminu meu!

Totu est a sa muda
istanotte...
solu una Lughe lughet
intro 'e su coru meu
sa Tua... Mama!

Poesia finalista all'XI° Concorso di Poesia “Màskaras” di Terralba – 11 Dicembre 2011