Unu sonu 'e rughinzu, arribat dae indedda...
...dae su tempus.
Antihos sonos, ahumpanzana amentos de su
tempus holau,
vivos in sas paragulas de hie los hontada.
Amentos e lastimonzu 'e horo
si prantana in cara.
Su sonu drinnidi.
Vriguras si moene in sa pratha
cropande unu ballu tundu.
A hussu inghiriu 'e sa vida
s' azunghede sue duos, a bortas sue tres...
Sa vuha 'e su risu alligrada
sa cara de sos balladores.
Sos herveddos luhene de gutios de sudore.
In sas vuhas, unu rivu in colore 'e sambene,
durhe e ranchidu, sìncheru e verteru...
Sas manos de su sonadore non lassana su sonete.
Finzas issu godidi de su vrùttu 'e sa terra.
Vriguras de linna, sonantes e antihas,
si ch' intrana in mesu 'e su ballu,
vinzas a s' ishurihada.
Su "passu" haientada sas harenas.
Su horo 'e sa vide, sas intrannas.
Su sonu de unu sonete, su sentidu.
Su ballu sighidi...
...v' est galu meda 'e ballare.
Tres dies,
pro onorare Juvanne, (Martis Sero)
prantu e atitau in tottus sos guturos de sa vidda.
Tres dies,
pro irmentihare sos anneos
de domnia mamentu.
Tres dies,
de si ponnere in coro...
...de amentare tottu vida.

3° Premio sezione B verso sciolto - Al 26° Concorso di Poesia in Lingua sarda "Sant'Antoni de su o'u" - Mamoiada, 22 gennaio 2017