|
Trinta Sese Antigu
a s’amigu poeta Bolotanesu Giuseppe Concas (Amentos caros)
di Serafino Putzolu
Amigu caru da lontana zona
Custas rigas t’iscrio a piaghere
Ca sese de poesia vera fonte
T’appo faeddadu e bidu de fronte
E serradu sa manu cun sentidu
T’appo faeddadu e de fronte bidu
E sa manu cun sentidu serradu
T’appo bidu de fronte e faeddadu
E cun sentidu serradu sa manu
Ott’annos prus de mé sese anzianu
Ma t’istimo e rispetto cunsidera
Amigu caru da lontana zona
Custas rigas t’iscrio a piaghere
Ca sese de poesia fonte vera
Sa mente tua est’una miniera
Cun fortuna e poetica sorgente
Una miniera es sa tua mente
Cun sorgente e poetica fortuna
Sa mente tua miniera est’una
Cun sorgente de fortuna poetica
Ses precisu in s’istile e in sa metrica
Ca in cussos montes pigas s’energia
Amigu caru da lontana zona
Custas rigas t’iscrio a piaghere
Ca fonte vera sese de poesia
Deo cuntentu in su Situ leggia
Dognia monumentu c’asa iscrittu
Deo cuntentu leggia in su Situ
Dognia c’asa iscrittu monumentu
Deo leggia in su Situ cuntentu
Dognia monumenu ch’iscrittu asa
Ca sun pagos chi sa mattessi basa
Manizzan Peppe precisas e giustas
Ca sese de poesia vera fonte
Amigu caru da lontana zona
T’iscrio a piaghere rigas custas
Che sos poetas cantas sena frustas
Ca operas perfettas tenes tantas
Che sos poetas sena frustas cantas
Ca tenes tantas operas perfettas
Sena frustas cantas che sos poettas
Ca operas perfettas tantas tenes
Cun cussos bellos poeticos benes
Bolotana immortalas podes crere
Ca sese de poesia vera fonte
Amigu caru da lontana zona
Custas rigas t’iscrio a piaghere
De cassa fina sese istadu mere
C’as gustu prelibadu e selvagina
Istadu mere sese de cassas fina
C’as gustu e selvagina prelibadu
De cassa fina mere sese istadu
C’as prelibadu e selvagina gustu
In umidu a cassola o urrustu
De cuntentasa sos amigos e amigas
Ca sese de poesia vera fonte
Amigu caru da lontana zona
T’iscrio a piaghere custas rigas
Ca sese onestu ne gherras e ne brigas
E in cuntierras paghes pones prestu
Ne brigas ne gherras ca sese onestu
E prestu pones paghes in cuntierras
Ca sese onestu ne brigas e ne gherras
E prestu in cuntierras pones paghes
Ca sa Sardigna terra e sos Nuraghes
Cheres lassare onores e corona
Custas rigas t’iscrio a piaghere
Ca sese de poesia vera fonte
Amigu caru da lontana zona
Ses binzzateri dottu e fama ona
Chin logu furisteri ses connottu
Ses binzzateri e fama ona dottu
Chi ses connottu in logu furisteri
Ses dottu e fama ona binzzateri
Chi ses connottu in furisteri logu
In prus traspportadore non es giogu
In terra anzena o in terra Isolana
Custas rigas t’iscrio a piaghere
Ca sese de poesia vera fonte
Amigu caru da zona lontana
Ma sa Bolotanesa aria sana
T’es tantu neccesaria in sa ezzesa
Ma s’aria sana sa Bolotanesa
T’es tantu in sa ezzesa neccessaria
Ma sa Bolotanesa sana aria
In sa ezzesa t’es neccessaria tantu
In modu sempre chin su Sardu cantu
Abbarres de Sardigna veru faru
Custas rigas t’iscrio a piaghere
Ca sese de poesia vera fonte
Dae zona lontana amigu caru
Tenzas corona d’argentu
o de laru
Tue lassas d’amentu opera ona
Tenzas d’argentu o de laru corona
Tue lassas opera ona d’amentu
Tenzas corona de laru o de argentu
Tue d’amentu opera ona lassas
Ses coraggiosu onestu e ue passas
Pones improntas de sa Sarda rima
Pro sos istranzos e sos paesanos
Fino isperande de nos biere sanos
Cun saludos de coro e cun istima
Courbevoie 9/10/2010
|
