Trinta Sese Antigu Pro sos settant’annos de sa Classe de su Baranta Ardaulesa
di Serafino Putzolu

Caros fedales sô cuntentu forte
D’essere presente in custa bella die
Pro festare unidos settant’annos

A chie affronta penas e affannos
In sas iscenas dogni santa die
Penas e affannos affronta chie
De ogni santa die in sas iscenas
Chie affronta affannos e penas
In sas iscenas dogni die santa
Perô sa classe nostra e su baranta
Est mastra onesta cun bonos sentidos

Caros fedales sô cuntentu forte
D’essere presente in custa bella die
Pro festare settant’annos unidos

Tantos in paradisu sun partidos
Cun s’avvisu de Deus e sos Santos
In paradisu sun partidos tantos
Cun de Deus e sos Santos s’avvisu
Tantos partidos sunu in paradisu
Cun s’avvisu de Santos e de Deus
Ma oe in custa dies sos chi seus
Non podimos mancunu ismentigare

Caros fedales sô cuntentu forte
D’essere presente in custa bella die
Settant’annos unidos pro festare

Cantos emigradu ant pro tribagliare
Ma sa natale amadu an totugantos
Pro tribagliare ant emigradu cantos
Ma totugantos ant sa natale amadu
Cantos pro tribagliare ant emigradu
Ma totugantos amadu ant sa natale
E chie pode che torra puntuale
Che sas Rondines d’ogni continente

Pro festare unidos settant’annos
Caros fedales sô cuntentu forte
In custa bella die d’essere presente

Sa nostra Ardaulesa bona zente
Si merittada corona e gentilesa
Sa nostra bona zente Ardaulesa
Si merittada e gentilesa corona
Sa nostra Ardaulesa zente bona
Corona e gentilesa si merittada
Cando un’istranzu a festa invittada
Eni rezzidu che santu e capella

Pro festare unidos settant’annos
Caros fedales sô cuntentu forte
D’essere presente in custa die bella

Dogni via paesana o carrella
In sa nadia est pomposa e galana
Dogni carrella o via paesana
Galana e pomposa est’in sa nadia
Dogni carrella o paesana via
In sa nadia est galana e pomposa
Custa classe e su Baranta orgogliosa
S’est aplicada in tottue a rennessere

Pro festare unidos settant’annos
Caros fedales sô cuntentu forte
Presente in custa bella die e ch’essere

Custa rima mi tratenzo a bos tessere
Distimonza e s’istima chi bos tenzo
Custa rima a bos tessere mi tratenzo
Distimonza e sa chi bos tenzo istima
Mi tratenzo a bos tessere custa rima
Sa chi bos tenzo istima és distimonza
Classe sincera onesta senza irgonza
Chi merittada su menzus monumentu

D’essere presente in custa bella die
Pro festare unidos settant’annos
Caros fedale sô forte cuntentu

De custu bellu festosu momentu
Cale menzus modellu armoniosu
De custu bellu momentu festosu
Cale menzus armoniosu modellu
De custu momentu festosu bellu
Modellu armoniosu menzus cale
Ca su baranta a sa Idda Natale
Li dedica rispettu fina morte

D’essere presente in custa bella die
Pro festare unidos settant’annos
Caros fedales sô cuntentu forte

Dogni fedale e chent’annos sa sorte
Tenzada senza male ne affannos
Dogni fedale sa sorte e chent’annos
Tenzada senza affannos e ne male
Sa sorte e chent’annos dogni fedale
Senza affannos e ne male tenzada
E cun sa leva contattos mantenzada
Amentos luminosos che sos Faros

D’essere presente in custa bella die
Pro festare unidos settant’annos
Cuntentu forte sô fedales caros

Custos momentos de sa vida raros
Pro totugantos s’unu amentos giustos
Momentos raros de sa vida custos
Pro totugantos s’un giustos amentos
De sa vida custos raros momentos
Amentos giustos s’un pro totugantos
Ma como fino fedales sos cantos
Prego Maria Vergine Signora

Ch’est’in su Chelu immortalada Santa
Pro chi sa classe nostra e su Baranta
De cumpleannos feste meda ancora

Ardauli 2010