Tue ses bida
di Angelo Maria Mingioni

Tottu ‘e tene mi d’at bida
su tempus colau s’iscallat in fiìos ‘e neula
sas paràgulas diventan fasches de luche
sos ocros pojos ‘e abba in colore ‘e chelu
sa carena unu jocu infiniu ‘e dunas.

Cando istringo sas manos tuas
un’ unda non connota
mi curret intro
tott’in- d’unu intendo
paràguìas lizeras fattas ‘e aghera
e s’amore tuo
su prus caente
su prus beru
falat dae sos pòddiches tuos
tuddit in su sambene meu
e andat che bocadura ‘e ribu
cara a s’immensidade!

1° Premio Sezione Poesia d’amore - Villanovatulo 2012