Tzùnchius (di un cerbiatto all’imbrunire)
de Sandro Chiappori

Chirrionis de niatzu
intrames’’e is chercus
fragu ‘e lampedra
e de bruvura
follamini sicu manciau
de un’arrosa ‘e sànguni
e a stésiu umbras fuendisì
agiannitai de canìlia.
Tzùnchius a scurigadroxu…
e nèbidatzu fridu
tudat s’àlidu assupau
is ogus intelaus
chi no luxint prus.
Tzùnchius tìmidus…
tristura chi no àcabat.
Is tzùnchius de una beta
abarrant
aintr’’e su coru.
Cantu em’a ‘òlliri oi
furai custa noti ch’inghitzat…

Chi a s’obrescidroxu
su lentori ti boghit sidi
e chi un’araxi ‘e bentu
ndi pìghit atesu is penas tuas
e is mias puru.

GÈMITI - Ciocche di nevischio/ tra le querce/ odore di muschio/ e di polvere da sparo/ secco fogliame chiazzato/ da una rosa di sangue/ e in lontananza dileguanti ombre/ latrare di muta di cani./ Gèmiti all’imbrunire…/ e gelida foschia/ copre l’affannato respiro/ gli occhi velati/ che non brillano più./ Timidi gèmiti…/ tristezza infinita./ I gèmiti d’un cerbiatto/ restano/ dentro il cuore./ Quanto vorrei oggi/ rubare questa incipiente notte…/ Che all’alba/ la rugiada ti disseti/ e che una brezza di vento/ si porti via le tue pene/ e anche le mie.

1° Premio “Sant’Antoni de su o’u” – Mamoiada 17.01.2013
Sezione “poesia a versi sciolti”