Umbras
di Maria Rita Farris

Benit de mari
un'unda longa 'e prantu
umbras de perda
in celus scullaus
de sa notti

Citia sa luna
infrissit chiriollus
de bisus allisaus

in d'unu sperrumu e' scuriu,
oru oru 'e mari
mi seu sezzia
e hapu prantu

non curru prus in su npruini
a cuai is santus mius,
imoi
in is lacanas de sa sorti
preparu altaris de olia
po unu deus allenu

In is manus de su 'entu
is umbras sunt liagas
in corus strintus strintus
intre unu zunchiu 'e prantu

Soberanu de custu mori 'e axiu
donami una canzoni
chi non siat matracca 'e luttu
e una lantia alluta
po cosiri luxi a sa speranza

Un'onda di lungo pianto/viene dal mare/ombre di pietra/nei cieli disfatti dalla notte/muta la luna/s'immerge in lembi di sogni consumati/nel buio profondo/vicino al mare/mi sono seduta/e ho pianto/non corro più nella polvere/a nascondere i miei santi/adesso/nell'infinito confine della sorte/preparo altari d'ulivo/per un dio sconosciuto/le ombre sono ferite/nei cuori stretti/dentro un singhiozzo di pianto/Sovrano di questo sentiero doloroso/dammi una canzone/che allontani il pianto/e un piccolo lume/per cucire luce alla speranza.

3^ Premio al “Quartucciu 2011