Umbras e lughes
de Antonello Bazzu

In-d un’ispera ‘e sole
isperdisciada in s’oru de su ‘entu
agattei una rosa
chi galu m’iscaldit su coro
intamas de s’iscuru
chi allughet custu tempus marigosu.

E s’intuveddat s’àmina
in sa lugh’‘e s’intrinada
chin crabas ojos de sùlfaru
a li fagher cumpanzia.

Infadosu si frazat
su sero ‘e sas dies mias
mesturende umbras e lughes.
De iscràmiu ‘e corvos
de mare tastat s’aera
e-i sa frina istrinat
nuscos durches de giasminu,

in sa notte chi creschet
s’isperdet s’ischimuzu ‘e su mudore.

Terzo Premio versi liberi al Concorso di poesia Peppinu Mereu 2010