| Un’isprigu
‘e luna
In custa nott’ ‘e luna
una frina lizera
mi ferit e mi nìnnigat s’ammentu
de te, donosa e bruna,
donàndemi sintzera
su bene pius mannu ch’apo tentu.
E innoghe ti bio,
comente cando a costas ti tenio.
E torrat su lugore
a tìngher sas aeras
cun su colore tébiu ‘e su gosu
de cussu antigu amore,
ch’ancora, si l’ischeras,
regollo intr’ ‘e su pettus disizosu.
E su calore intendo,
ca d’esser solu contu non mi rendo.
Sa luna, birgonzosa,
in altu si che cuat
daesegus de nues passizeras;
e tue, disizosa,
si su chelu s’annuat,
in sos carignos mios torra isperas.
Cando forte t’istringo,
a rundare in sos bisos mi custringo.
Ma s’assulenu meu
est vana illusione;
una làmbriga infustu m’at su chizu.
Sensadu est su recreu
de sa durche ‘isione
chi cunfortadu m’at solu un’aizu.
E un’isprigu ‘e luna,
calàndeche mi nât "Bona fortuna". |
Uno spicchio
di luna
In questa notte di luna
una brezza leggera
mi colpisce e mi culla il ricordo
di te, graziosa e bruna,
che mi regali sincera
il bene più grande che ho avuto.
E ti vedo qui,
come quando ti avevo al mio fianco.
E ritorna la lucentezza
a tingere il cielo
con il tiepido colore della gioia
di quell’antico amore,
che ancora, se sapessi,
conservo desideroso dentro il petto.
E sento il calore,
perché non mi rendo conto d’esser solo.
La luna, vergognosa,
in alto si nasconde
dietro nuvole passeggere;
e tu, desiderosa,
se il cielo si annuvola,
speri di nuovo nelle mie carezze.
Quando forte ti abbraccio,
mi costringo a vagare nei sogni.
Ma il mio sollievo
è vana illusione;
una lacrima mi ha bagnato le ciglia.
E’ finita la gioia
della dolce visione
che mi ha dato conforto solo per un po’.
E uno spicchio di luna,
calando mi dice "Buona fortuna".
|
