Sos iscacaglios de una notte iscabada
han ischidadu s’oju ‘e su sole.

Umbras canas de marrania
sun rebottende in mesas de dudas.

S’urulu ‘e su entu
aunzat su piantu,
in chizos de impudu.

Su nerviu de su tempus andadu,
isfoettat tramas de ura,
in telarzos de sorte drommida.

In tancas de bramas abrinas
chirco aidos de frina,
pro m’ammelare pijas de annuzu.

S’affannu 'e s’ammentu
si drommit in cambas de ispera…

In sos didos de un’isettu noale
so cantende una cantone a sa luna.

* Musicata con lo stesso titolo dal Maestro Mario Coloru per il Coro Renato Loria di Muros