| Sa benas
sun sicadas,
butios b'at in funtana,
morimos de sa gana,
e semus rassignados.
In titas carigadas
no intrat sa mamiddha,
s'ispopolat sa iddha,
ca si che sun boladas:
sas dies prenas de ispera,
s'antiga primavera,
su tempus benidore,
sos campos de laore,
su trigu istrintu in punzu,
su pane cun s'aunzu!
Nudos nos an lassadu,
nudos e in abagazu;
canto pro su massazu,
de sa terra brivadu,
canto pro su pastore,
pro su fizu minore,
pro su disocupadu!!
Arta l'arzio sa oghe,
forte intendo sa pena.
Cherzo partat da inoghe
una vida serena.
Lassademi cantare,
lassademi isperare,
lassademi campare!!!! |
