|
Undas
Est pàsidu su mare,
pagas undas
lenas donant carignos
a sa rena.
E serena est s’aera,
chena nues
ne perunu minetu de tempesta.
E m’infundo de gosu
e de isperas,
mentres colant sas oras
de su tempus pressosu
e fuiditu.
Ma l’apo ‘idu puru
arrennegadu,
mazàndemi sas undas sa carena,
trazandemiche atesu
da’ sa terra,
ube onzi bene meu
fit regoltu.
Ma non fit ora
ancora e mi ch’andare,
sa sorte fit cun megus;
mi nd’at torradu insegus
s’unda amiga.
Como est mudu su mare,
epuru timo
ch’a pesare si torrent
undas altas,
fizas de s’abbolotu
e de sas fartas
in sas intragnas mias
abbuadas,
in dies de turmentu
cumbatadas
ch’in s’ànima s’imprenta
m’ant lassadu.
E s’orizonte miro prus allargu,
gosand’ ‘e sa fortuna
de bìdere su sole de s’atunzu
e sa lugh’ ‘e sa luna in notes jaras.
|
Onde
È calmo il mare,
poche onde
fievoli donano carezze
alla sabbia.
E l’aria è serena,
senza nubi
né alcuna minaccia di tempesta.
E mi bagno di gioia
e di speranze,
mentre trascorrono le ore
del tempo frettoloso
e fuggevole.
Ma l’ho visto anche
furibondo,
percuotendomi il corpo con le onde,
portandomi lontano
dalla terra,
dove tutte le mie cose
erano conservate.
Ma non era ora
ancora di andarmene,
la sorte mi era a favore;
mi ha riportato indietro
l’onda amica.
Ora è silenzioso il mare,
eppure ho paura
che si alzino di nuovo
onde alte,
figlie dello sconvolgimento
e delle manchevolezze
nelle mie viscere
occultate,
in giorni di tormento
sopportati
che nell’anima il segno
m’han lasciato.
E guardo l’orizzonte più lontano,
gioendo della fortuna
di vedere il sole dell’autunno
e la luce della luna in notti chiare.
|
