| Unu
caru Pentzamentu
di Serafino Putzolu
Trinta Sese Antigu a
S’amigu Poeta Bolotanesu Giuseppe Concas
Amigu meu seo in pentzamentu
Ca nova tua peruna non tenzo
Ma tantas bonas de rezzire ispero
Tue Bolotanesu veru Omero
Chin S’Elicona s’imperu às istesu
Tue veru Omero Bolotanesu
Chin S’Elicona istesu às s’imperu
Tue Bolotanesu Omero veru
Chi s’imperu às istesu in S’Elicona
Onoras sa Sardigna e cussa zona
De Custu sô cuntentu asa a ischire
Amigu meu seo in pentzamentu
Ca nova tua peruna non tenzo
Ma tantas bonas ispero e rezzire
A Santu Bachis prego e t’assistire
E chi ti azzue tantu l’ispiego
A t’assistire a Santu Bachis prego
E l’ispiego chi t’azzue tantu
A t’assistire prego a Bachis Santu
E l’ispego chi tantu t’azzue
Ca ses nachidu e battizzadu incue
Ti ponzada ambas duas manos Santas
Amigu meu seo in pentzamentu
Ca nova tua peruna non tenzo
Ma ispero e de rezzire bonas tantas
Ca tue a Bachis innos tantos cantas
Dande incantos a mannos e pizzinos
Ca tue a Bachis cantas tantos innos
Dande a pizzinos e mannos incantos
Ca tue a Bachis cantas innos tantos
Dande incantos a pizzinos e mannos
Chi sanu e forte bivas a chent’annos
Custu Santu di deve sa fortuna
Ma tantas bonas de rezzire ispero
Amigu meu seo in pentzamentu
Ca nova tua non tenzo peruna
Ca sa vida terrena es sola e una
Ti l’auguro dechida e serena
Ca es sola e una sa vida terrena
Ti l’auguro serena e dechida
Ca es sola e una sa terrena vida
Serena e dechida ti l’auguro
Ma su cantu bivimos t’assiguro
De sa nostra amicizia sena lua
Ma tantas bonas de rezzire ispero
Amigu meu seo in pentzamentu
Ca non tenzo peruna nova tua
Dogni vivente à sa pena sua
S’imbezzada sa carena decadente
Sa pena sua à dogni vivente
S’imbezzada decadente sa carena
Dogni vivente à sa sua pena
Si sa carena decadente imbezzada
Ma su c’à fattu amentada e apprezzada
Mancari espostu ancora a dura prova
Ma tantas bonas de rezzire ispero
Amigu meu seo in pentzamentu
Ca non tenzo peruna tua nova
Podes pregare a santos e a Giova
Ma s’imbezzare es duru a totugantos
Podes pregare a Giova e a sos santos
Ma es duru a totugantos s’imbezzare
Podes a santos e Giova pregare
Ma totugantos s’imbezzare es duru
Mancunu sinde salvada es siguru
Custu bene l’ischimos tue e deo
Ca nova tua peruna non tenzo
Ma tantas bonas de rezzire ispero
Amigu meu in pentzamentu seo
De t’incontrare in cussa zona creo
Pro ti cantare ancora cosa ona
De t’incontrare creo in cussa zona
Cosa ona ancora pro ti cantare
In cussa zona creo e t’incontrare
Pro ti cantare cosa ona ancora
Cun Luisu Ladu e Maria signora
Tottus in paghe ite bellu recreu
Ca nova tua peruna non tenzo
Ma tantas bonas de rezzire ispero
Ca in pentzamentu seo amigu meu
Ca ses de fronte a su Lagu Omodeu
Su monte Ardaulesu t’es disvagu
Ca ses de fronte a S’Omodeu Lagu
T’es disvagu S’Ardaulesu monte
Ca de su Lagu Omodeu ses de fronte
T’es disvagu su monte Ardaulesu
Accoppiadu a su Bolotanesu
De Sardigna immortale monumentu
Ca nova tua peruna non tenzo
Ma tantas bonas de rezzire ispero
Ca seo amigu caru in pentzamentu
De finire es benidu su momentu
Ca cun sentidu ti rispetto asa ischire
Su momentu es benidu de finre
M’asa ischire ti rispetto cun sentidu
De finire sun momentu es benidu
M’asa a ischire cun sentidu ti rispetto
Sos verso tuos amiro e acetto
Che Don Musinu d’enanti a S’Altare
Imbenugadu in pregadoria
E fininde bos chelzo saludare
A tie a Luisu e Signora Maria
Serafino Putzolu Courbevoie
3 Marzu 2011
|
