Dopo chi s’aiat fattu sa fama
De no esser unu sindacu balente
Aiat progadu a cambiare brama
Candidannesi in su continente

At predispostu prontamente su riscattu
Iscomodanne amicos e parentes
At truffadu chin aulas e ricattu
Su parthidu e sos duos assistentes

Su nidu familiare at ispruppadu
Bennidu s’oro de s’isposa e de sa mama
Donzi bene de sa domo at irrobadu
In donzi locu at iladu trama

Puru sa muzere a sa ine at reconnottu
Chi no it unu maridu normale
Ma solamente un omine currottu
Chi cufunniat su bene chin su male

Iscorradu est annadu legionariu
E in su forte non s’at fattu meda onore
Nanchi est mortu in su desertu solitariu
Dopo chi l’aian dichiaradu disertore