Pantalones de frustagnu rigadu
Ordinados dae donzi pastore
Chi ne connoschet su menzus valore
Po essere unu pannu raffinadu.

De billuju mirabiles bonettes
Essin prontos dae sa tua sartoria
E a sos zovanos chin tanta allegria
Mèdisi zanchettas e groppettes.

De carattere gentile e cordiale
As traballadu una bida chin passione
Rezzinne dae tottu ammirazione
As creadu una moda geniale.

Como da ti podes reposare
A izos tuos as lassadu sa lissenzia
A istilistas achen cuncurrenzia
Ca ischin dae chie bocare.