V’è una bòci… indrentu
èu sòlu la intengu.
Cuàta è in una agnàta
tra còri e menti
v’allogghja da pàricchj tempi.
Cu insistènzia mi faèddha
suai suai mi lisinga
tinciòsa mi bréa.
M’avvelti e mi cunsiddha
mi ricatta e mi cundanna
m’invita a rasgjunà
candu tra bè e mali dècu sciuarà.
E….si pesani cuntrasti e riflissioni
in chissa agnata tra còri e menti
undi la Cuscènzia è Vìggili Prisenti.
V’è una bòci …indrentu
A lu bè mi spròna
réguli m’impòni
accitti mi fàci
in apprinsioni mi tèni.
La bòci di la Cuscènzia
riguròsu rasgjunanti
custanti sintinzigghja
tra passioni e sintimentu.
Sippuru invadenti
pòaru è l’omu
chi chissa bòci…..indrentu no intendi.