A Mamoiada sill'àni imparatu
comu si faci 'inu cannonau,
attastendi cun pani carasau
lu gustu naturali àgghj'apprizzatu.

Unu populu di fama intelligenti
cun vigni d'oru posti pal vinci
li sfidi c'àni in menti dugna di,
si gagna* lu faori di la ghjenti. * guadagna

E' lu trabaddhu c'agghjunghji 'alori
a chissi tarri boni pà li 'igni,
lu sapè fà produci l'intaressu.

Nisciunu chinci sinni sta arressu* *disoccupato
di prugridì sò li passoni digni,
mi focciu di chist'alti* ambasciadori. *arte

1° Premio Sezione "C" - poesia in rima, a versi sciolti, a tema vino, per il "Cannonau d'oro" - 30° Concorso di poesia in Lingua Sarda “Sant’Antoni de su o’u”