Pro Antonello Zolo

Cun vera cuntentesa
A bois mi presento
Cun orgogliu e tanta bramosia
Ch'in piatza e drochesa
Bos zuro chi amento
C'amos balladu prò sa prima ia
Vintchimb'annos como
So essidu da domo
Cun custa sana e bella cumpanzia
Non che oe perfetos
Damos su via a sos nostros balletos

Unu grupu fromamos
Pitzinnas e zovanos
Cun su costumen de sos nostros betzos
Ateros nd'invitamos
Ca nois pura andamos
E retzimos cunsensos e apretzos
Faghimos custu ballu
Tra ragas e issallu
Cun tanta braga in tottu sos petzos
In prus de mesu mundu
Amos fatu sa dansa e ballu tundu

Nois ndamos batidu
Da medas nazione
E fìnasa dae s'africa lantana
E bois azir bidu
Chi cun pretzisione
Su dovere isserò fatu ana
Solu chi sas nieddas
Dae artu a cambeddas
Fin toctu tusas ne pilu ne lana
Ma bene ballaiana
E de su c'an batidu nde daiana

E cantas Sinorinas
Cand'amos cominzadu
De musica prò nudda connoschiana
Però ca fin carinas
Mi so deo impegnadu
E solasa cun megus ballaiana
M'a forza de insistere
Passenzi'a resistere
Ca finasa sos pes mi falaiana
Poi tantu triballu
Cumpretu lu faghiana su ballu
Ma oe chi passados
Chimbe lustros ebbia
Ballamos tottu cun professione
Semusu carculados
Non solu in bidda mia
Ma finas in anzena natzione
E su nostra folcrore
Nos faghet onore
De s'Europa in tottas'unione
Ue semus bistadoso
Dae nou enimos invitadoso

E oe o idda mia
Fatt'e bonas pessones
Ballamos chentza triulu ne gherra
Ma manch'eo creia
C'onzi tradissione
Si esserat finida in custa terra
Non c'at prus poesia
Mancat sa passione
E non s'intendet cantigu e chiterra
Nois semus ancora
Connotos in Sardinna e finas fora

Nadale, 2016