Unu basu**
di Andrea Chessa

ISSA
Semper de prus, nos accurtziabamus, e sas ocradas semper prus s'addobiaban. Sos passos, sas manos, sas carenas, chircaban semper prus s'ocasion'e unu sèrente, dìlicu tocu. E, cada borta, una tremida mi creschiat in intro: su sentidu istranu ‘e lu chèrrere, chin tottu sas fortzas meas. Che Eva, in dainnatis de sa mela preubbida, n'intennìa s'atràida, comente ch'in ziru a sa pessone sua s'esseret ispartu in s'àghera un'arcanu profumu, ledre ledre, a mi prenare sos sensos, imbaddinandem'in dunu ammistùru de desizos e timoria. .
In dunu mamentu, su chi nos ziraiat in tundu, zente, domos, machinas, m'irvanessian dae sa bista: sos istradones ispoporaban e sas boches, in ziru, s'istutaban, pro lassare postu a issu… e a sos ocros suos.

ISSU
Non resessia prus a li restare iscostiau. Chircande s'ocasione, cada iscusa fit bona a li rucràre s'ocrada e li carinnare sa beste chin sa manu, o a l'imbarare sa carena in su cubidale. Nos moghiabamus che in dunu ballittu, unu rituale amorosu de manc'una paragula e mòghidas istintivas ch'abbochinaban aprovatzione, mustraban possibbilidades.
E s'aghera teniat s'alenu suo, sapore suo su mandicu e su numen suo fit in cada paragula intesa.

ISSA
Fit ja a denotte cando, a pustis d'aer saludau sos ateros, belleggai resessimus a restare solos. In dunu afusau mudiore, intramus in sa macchina mea e nos incaminamus in dunu ziru istontonau, ischinde pretzisu su chi cherimus. Sas manos, non s'ischit comente, s'acatan in sa leva 'e su cambiu, e sos poddiches s'intritzan, astrintos… chei sas animas nostras. E deo, no ischinde prus s’ite fachere, chin su coro tràcheddu e sa mente abbochinande - Non dèpo!… Non podo!.. ma…Deus mi perdonet!…Ti desìzo!… Cantu ti desìzo! -, guidabo a una manu chircand’‘e l'accumpanzare a domo sua, ma in su matessi mamentu fachende de tottus pro non b'arribbare!

ISSU
Fachìat sos ziros prus maccos, chin s'intenzione crara de tirare a tardu, de torrar'a picare unu negossiu lassau… o mai comintzau. E nde li so istau reconnoschente, de s'innotzente aconcada, e de sas paragulas non nadas, ma irbeladas dae s'astrinta 'e sa manu sua in sa mea, prus bucone irmalissiau de zobanas trappulas amorosas, chi maghìas de femina manna.

ISSA
No… no ischìa prus a ube andare! Non resessìa a acatare un'iscusa bona a mi firmare, bastante a mi sarbare sa cara dae sa birgonza 'e acrarare sas intentziones meas. Ma su tempus currìat, e sa domo sua s'accurtziabat semper de prus e deo, buluzada dae sa tzertesa chi fit cussa s'urtima occasione, ischìa intro 'e coro chi s'aiamus fattu irvanessire s'incantu non bi fit istau prus ateru appellu.

ISSU
Arribbaos indainnaintis de domo fipo ja bell'e mortu dae s'ispòru, ma un'àter'iscusa, non m'ammento prus cale, arribat derepente a nos facher continuare sa Via Crucis, e a nos ispingher'in bratzu a su destinu… …
… e, a sa fine, sa macchina si firmat, che s'alènu meu. Ischìa chi cussa fit s'urtima occasione, e chi non mi podia prus zirare in palas…

ISSA
Sa macchina s'est firmada sola, juro, a lacanas de unu camp'isportivu dormìu che pitzinnu, chin su motore zirande e sos faros allutos, manicandesi sa notte.
Mi ziro car’a issu… e acato sa cara sua…
…chi mi basat…

ISSU
… e l'appo dau unu basu!
…
ISSA
Su mundu at trattesu s'alenu e su bentu s'est firmau, cando sa lavras suas si sun imbaradas a sas meas. Sos animales de sa notte an nuscau s'aghera e sas chìcheras an tzessau sa zarra, cando s'alenu nostru s'est fattu prus pesante e sas manos an chircau s'abbratzu. Su sapore suo fit su chi ja immazinabo in s'irbarionar'e sas oras coladas. Su calore, chi sas manos suas trasmittìan, tremendesi, mi colabat peri sa carena e mi crompiat su coro, isorbende de incantu s'urzente bisonzu 'e cuntattu, de durchesa de atzinnos e ocradas.

ISSU
Sas lavras suas s'aperian, solas, a sas meas. Fit pronta a m'accollìre, e deo, chene furare nudda, e ne mancu pretendere, l'acatabo sa bucca in dunu incassu perfettu. Ocros serraos, mi lassaia andare a una cadentzia chi dae deretta fit sa nostra, una musica chi nos accatabat ja accordaos, comente sa cantone prus armoniosa. No isco narrere, non pod'ischire, cantu est istau longu cussu basu, m'ammento solu chi su coro sichiat a toccheddare a dischissiu mentras sa mente, cuffusa, non resessiat a ligare sos pessamentos, a picare detzisiones. Che un'arbore ruttu, fipo, istrisinau a badde dae su ribu in prena, chene poder opponnere resistentzia.

ISSA
Carchi paragula chichinada, est tottu su chi so istada capassu 'e narrere, birgonzandemi fintzas de li rucrare s'annotada e intanandeli sos ocros in su trucu…paragulas de nudda! Ite depiavamus zustificare, si cussu basu fit pretzisu su chi cheriabamus, tantu de non resessire a l’agguantare? L'aiamus chircau, pessichìu chin tosturruda prepotentzia, frabicau in sas oras coladas. Nd'aiamus bisionau e disizau cada mamentu, fintzas a l'ottennere comente premiu a su bisonzu nostru 'e affettu. Ma non fit cussa s'ora de sas paragulas, su locu 'e sos pessamentos: apenas sas ocradas s'intopaban unu focu nos rucrabat, tirandennos s'unu contr'a s'atera in dunu abbratzu disisperau chi contabat, prus de cada paragula, de sa pretesa nostra 'e amare… e d'essere amaos.

ISSU
Nos intenniabamus che duos naufragos isperdios in mesu 'e mare. Sa macchina fit sa barchitta 'e fortuna e sa luna, cussa meravillosa luna prena, fit sa nostra luchida distimonza. Dae tando, e pro su restu 'e su tempus, aiamus depiu partzire chin issa su secretu 'e cussa notte. Issa solu, e ateros nemmos, aiat bidu cumpriresi sa maghìa chi nos fit trassande sa pedde, s'incantu chi nos fachìat rebuddire su sambene fintzas a nos prenare sos cherbeddos, cuffundinnenos s'orizonte. Solu issa at iscopiau sas carinnas suas in sos pilos meos, sa punta 'e sos poddiches chi mi colabat chin delicadesa in sas lavras, cussa bucca chi non s'istracaiat mai de mi trumentare trucu e palas. Solu issa nos at bidu aggarraos chin tottu sas fortzas, s'unu a s'atera, in chirca 'e un'aderentzia ch'esseret annada prus allargu de sa matessi nostra cundissione fisica. .
Credo, nde tenzo sa sicuresa, ch'in cussu mamentu fintzas sas animas nostras si fin abbratzande…

ISSA
S'incantu 'e cussa notte de istìu si fit crompìu ‘e su tottus. Su fadu, cussu dirgrassiau, beneittu jocu 'e su bentu, chi si dibertit, che in duna ghettada 'e dados, a trumentare, unire, iscropare sa bida 'e sa zente, aiat comintzau a bulluzare s'esistentzia mea e, fortzis, fintzas sa sua…
…
… in su mentres, su mudior''e sa campagna si fit abbelenande de su sonu 'e unu motore alluttu, e duos faros violàban galu sa notte.
Gallizànde, s'isparghìat in s'àghera, su sapore durche 'e unu basu…

===============

Un bacio

LEI
Ci avvicinavamo sempre di più, e i nostri sguardi s’incrociavano, le mani, i corpi cercavano sempre di più l’occasione di un vicino, delicato contatto. E un fremito, ogni volta mi cresceva dentro: la strana sensazione di volerlo, con tutte le mie forze. Come Eva davanti al frutto proibito ne sentivo l’attrazione, come se intorno a lui un misterioso, impalpabile profumo, si espandesse nell’aria ad invadermi i sensi, stordendomi in un misto di desiderio e paura.
In un istante, tutto ciò che ci girava intorno, gente, case, automobili, mi scomparivano dalla visuale, le strade svaporavano e le voci, intorno si ovattavano, per lasciare posto a lui… ed ai suoi occhi.

LUI
Non riuscivo più a stargli lontano. Cercando l’occasione, ogni scusa era buona per incrociargli lo sguardo e sfiorargli il vestito con la mano, o appoggiarmi al suo gomito. Ci muovevamo come in un balletto, un rituale amoroso di neppure una parola e di gesti istintivi che urlavano approvazione, mostrando possibilità.
E l’aria aveva il suo respiro, il cibo il suo sapore, e le parole che sentivo pronunciavano solo il suo nome.

LEI
E’ già notte quando, dopo aver salutato gli altri, riusciamo finalmente a restare da soli. Saliamo, in un silenzio imbarazzante, sulla mia macchina e ci avviamo in un giro pazzo, sapendo esattamente ciò che volevamo. Le mani, non so come, si trovano sulla leva del cambio, e le dita s’incrociano, come le nostre anime. Ed io non sapendo più che fare, con il cuore che mi batteva all’impazzata e la mente che urlava «Non devo!… Non posso!… ma… Dio mi perdoni!…Ti desidero!... Quanto ti desidero!», guidavo ad una mano cercando di accompagnarlo a casa, ma allo stesso tempo facendo di tutto per non arrivarci!

LUI
Faceva i giri più assurdi, con la evidente intenzione di tirar tardi, di riprendere un discorso sospeso… o mai iniziato. E gliene fui grato, della sua innocente incoscienza, e delle parole non dette, ma rivelate dalla stretta della sua mano nella mia, più esca smaliziata di strategia amorosa da principiante che sortilegio di donna matura.

LEI
No…non sapevo più dove andare! Non riuscivo a trovare una scusa valida per fermarmi, per salvare la faccia dall’imbarazzo di palesare le mie intenzioni. Ma il tempo correva, e la sua casa s’avvicinava, sempre di più ed io, sconvolta dalla certezza che quella fosse l’ultima occasione, sapevo perfettamente che se avessimo fatto svanire l’incanto non ci sarebbe più stato altro appello.

LUI
Arrivati davanti a casa mia ero già quasi morto dalla delusione, ma un’altra scusa, non ricordo più quale, arrivò puntuale a farci continuare la Via Crucis, e a spingerci in braccio al destino….
E, finalmente, l’auto si fermò, come il mio respiro. Sapevo che quella era l’ultima occasione, e che non mi dovevo più tirare indietro…

LEI
La macchina si fermò da sola, giuro, ai margini di un campo sportivo addormentato, con il motore in funzione ed i fari accesi che si mangiavano la notte.
Mi voltai verso lui… e trovai il suo viso…

…che mi bacia…

LUI
… e la baciai…

…

LEI
Il mondo trattenne il fiato ed il vento si calmò, quando le mie labbra si posarono sulle sue. Gli animali della notte annusarono l’aria e le cicale bloccarono il chiacchericcio, quando il nostro respiro si fece più pesante e le nostre mani cercarono un abbraccio. Il suo sapore era quello che avevo immaginato, nel fantasticare delle ore precedenti. Il caldo, che trasmettevano le sue mani tremanti, mi passava per il suo corpo e m’assaliva il cuore, sciogliendo d’incanto il bisogno urgente di contatto, di dolcezza di gesti e di sguardi.

LUI
Le sue labbra si schiudevano, da sole, alle mie. Era pronta ad accogliermi, ed io, senza niente rubare né pretendere, gli trovavo la bocca in un incastro perfetto. Occhi chiusi, mi lasciavo andare ad un ritmo che subito fu nostro, una musica che ci trovava già accordati, come la canzone più armoniosa. Non so, non posso sapere, quanto durò quel bacio, ricordo solo che il cuore continuava a battere all’impazzata mentre la mente, confusa, non riusciva a connettere i pensieri, a prendere decisioni. Ero come un albero caduto, trascinato a valle dalla piena del fiume, senza poter opporre alcuna resistenza.

LEI
Qualche parola balbettata, fu tutto ciò che riuscii a dire, vergognandomi persino d’incrociargli lo sguardo e rifugiando i miei occhi sul suo collo… parole futili!. Cosa dovevo giustificare, se quel bacio era esattamente ciò che volevamo, tanto da non riuscire a resistergli? Lo avevamo cercato, perseguito con caparbia insolenza, costruito nelle ore precedenti, ne avevamo sognato e desiderato ogni singolo istante, fino ad ottenerlo come un premio al nostro bisogno d’affetto. Ma non era quello il momento delle parole, il posto dei pensieri: appena i nostri sguardi si incrociavano un fuoco ci attraversava, attirandoci l’uno verso l’altra in un abbraccio disperato che raccontava, più di qualsiasi parola, della nostra pretesa d’amare… e di essere amati.

LUI
Ci sentivamo come due naufraghi in mezzo al mare. L’auto era la nostra zattera e la luna, quella meravigliosa luna piena, era la nostra luminosa testimone. Da quel momento, e per il resto dei giorni, avremmo condiviso con lei il segreto di quella notte. Solo lei, e nessun altro, aveva visto compiersi la magia che ci attraversava la pelle, l’incanto che ci faceva ribollire il sangue fino ad invaderci il cervello, confondendoci gli orizzonti. Solo lei ha spiato le sue carezze sui miei capelli, la punta delle dita che passava delicatamente sulle mie labbra, quella sua bocca che non si stancava mai di tormentarmi il collo e le spalle. Solo lei ci ha visti avvinghiati al limite delle forze, l’un l’altra alla ricerca di un’aderenza che andasse aldilà della nostra condizione fisica.
Credo, ne sono sicuro, che in quel medesimo istante, anche le nostre anime si stessero abbracciando.

LEI
L’incanto di quella notte d’estate si stava compiendo. Il destino, quel disgraziato, benedetto gioco del vento, che, come in un lancio di dadi, si diverte a tormentare, unire, dividere le vite della gente, aveva iniziato a sconvolgere la mia esistenza e, forse, anche la sua…

…

… e intanto, il silenzio della campagna s’avvelenava del rumore di un motore acceso, e due fari violavano ancora la notte. Galleggiando, si spargeva nell’aria, il dolce sapore d’un bacio…