Sos annos chi vana dae su 70 a su 80 e chi si volene tramandare comente “anni di piombo” mi los amento vinzas in d’una veste prus alligra.
Imos una pariga de giovanos universitarios innamorados de sa cultura e andavamos duas voltas sa chida a unu “Cineforum” e a sos dibattitos… poi hamos pesciau de dare vida a una cumpagnia teatrale pro divulgare ideas de bonu e pro dimostrare unu certu impegnu sociale.
Hamos cuminzau in su teatrinu de sos gesuitas in via Porto Scalas in Casteddu chin “Sa corona de zia belledda” de Garau. A pustis hamos rappresentau Sartre (Le mosche), Boris Vian (I costruttori d’imperi), e Beltold Brecht (Il cerchio di gesso del Caucaso).
Tottu pariada andare a gonfie vele e hamos tramudau a su “Teatro Massimo” pro rappresentare “Pulcinella liberatore” de Gianni Rodari pro sas iscolas chi aviana aderiu in maggioranza.
Dopo su teatru est vegniu su zilleri.
In piazza Yenne b’aviata una bettede grutta: su “Bar Marcello”, umbe hamos cuminzau a recitare poesias accumpagnaos dae sos musicistas de su Conservatoriu.
S’ispettaculu idi galanu e sa gente accudiada, accudiada sempere de prusu a nos ascurtare.
Su mere de su zilleri nos invita vada de bona ispessia proite sos affares andavana a cascia ‘e ghera!
Sos artistas consumavamos gratis cioccolata e panna e idi unu ispassiu pro nois e pro tottus.
Nos mutiana vingias a duos locales de avanguardia: “Brodo di giuggiole” e “Principe fiore” frecuentaos dae artistas de cada manera e si consumavana pastos istravanaos omente frittadas chin sa lorticada (ortica) e karcadè.
A pustis nos hada ospitau su bar Torino, in su porticau de via Roma, in sala the, in su secundu pianu, e amos recitau accumpanzaos dae sa musica de unu pianoforte.
Sa gente tottu setia in terra nos ascurtavada sonnambula e nos applaudiada cumbinta. Veniana ispissu a ustos ispettaculos sos “Indianos metropolitanos” artistas chi si pitturavana sa vazza e si tinghiana sos pilos de ‘olore ‘e elu, virde e rosa e si vestiana in manera istrampalà.
Dopo sos zilleris hamos girau sas gallerias d’arte e gai no che hamus olau una deghina de annos sos prus musicales de sa vida nostra.
Como chi semus poetas attempaos nos riunimos pro carchi Recital i sos circolo culturales e in sa “Libreria delle donne” a uve venini a nos ascurtare sos iscolanos, sos genitores e sos operatores culturales.

Pubblicato su S’Ischiglia